الدجاج محمر بالدغميرة معسلة
الدجاج مغسول و منقي مليح بالخل و الملح و البصلة نقطعوها و نديروعا فيه باش تحيد منو الزفر
من الاحسن الدجاج يكون بايت في التلاجة ماشي غير تجيبيه و طيبيه...
المهم نحتاجو
التومة محكوكة
السمن البلدي
زوج لب ديال الحامض
ضامة زعفران
شوية الزعفران الحر
الزيت البلدية و الرومية
عاد الملح و الابزار و الخرقوم و سكينجبير
شوية المروزية ديال الدجاج راها كتباع عند العطارة
هادشي كنشرملو بيه الدجاج مليح مليح نخليوه يبات باش الدجاج يشرب المقادير و اللي شاط منها كنخليوه حتى نطيبو بيه الدجاج
الطريقة:
ناخدو طنجرة اللي تهز لينا هاد الدجاج اللي عندنا نعملو فيها...الدجاج + تلاتة ديال البصلة محكوكة + الشرمولة اللي بقات لينا+ الملح و شوية الحامض و زوج عيدان ديال القرفة و الماء و نحطوه فوق المجمر من يبدا يسخن نكبو عليه الزيت في الجنب و نخليوه يطيب و راكم عارفين مرة مرة نقلبوه بقطيب المهم من يطيب كنزولوه من الطنجرة و نعملوه فشي صينية او لاطة و كنزلوه تحت المجمر باش يتحمر.
في هاد الاتناء كناقدو القشيوشات ديالنا من بعد منكونو صلقناهم و قطعناهم كنرميوهم في الطنجرة و نزيدو عليهم ملعقة السنيدة و نخليوهو يطيبو مع التحراك بملعقة خشبية باش ميلصقش حتى توقف الدغميرة مليح.
من بعد كنزلو الدجاج في الطبسيل من كيكون تحمر مليح غير بالجمر و كنزينوه بالحامض و الزيتو و الدغميرة ديالو راه كيجي لديد.
بالصحة والراحة
ليست هناك تعليقات:
إرسال تعليق